有客戶同我講，依家息口好貴，真係等錢洗都未必想借 💸
😵💫無錯，兩年前銀行同業拆息 (Hibro) 仲做緊0.x%，兩年後今日已經係5.x%，即使有政府支援做九成擔保計劃，銀行都依然要收取月平息大概0.34%。
💁🏻♂️以100萬為例
分三年還款，每年平均都需要還大概4萬蚊利息，好多中小企老闆仍然未習慣呢種息口。
但無辦法，莫講話商業貸款，🏦現時銀行要同銀行借錢，都要俾5.x%，更何況一般中小企？
所以相信好多老闆都等緊低息年代再度來臨，先敢再同銀行做融資。
香港利率一般要跟隨美國利息，究竟要等到幾時先減息？
對於利率嘅分析一般都係由債市嘅分析師去做，最近美聯儲已經放風，明天開始會逐步減息，
但出奇地，唔同投行對於減息嘅幅度嘅猜測都有好大分別。
💬 最近瑞銀 (UBS) 有策略師預計美聯儲最快明年3月開始減息，到2024年尾，聯邦基金利率將降至介乎2.5厘至2.75厘，並且喺2025年初降至1.25%，預測十分大膽。
💬 但有高盛分析師就預計，美聯儲唔會減太多，到明年年尾先會開始減0.25%，到2026年利率將介乎3.5厘至3.75厘，與美聯儲的預測較為接近，保守得多。
💬 而至於美聯儲自己喺9月就預測，明年將減息兩次，各下調0.25厘，到2025年年底，政策利率將降至3.9厘。
當然，香港會唔會完全跟隨美國走向亦好難講(🫣過往都大致跟隨)，但相信如果息口繼續高企，對於做生意嚟講的確影響非常大。
幾時有平息嘅貸款？
照以上嘅情況睇，現階段可能十劃都未有一撇…
所以有時我哋都同客戶講，其實現時做商業貸款，間間銀行息口都差不多，即使有一間息口平少少，都唔會相差太遠，反而應該量力而為，真係 #還得到先好借嘛。
註：
以上內容由©MC Advisors原創，版權所有，切勿抄襲及轉載。
🙇🏻♂️ 相關資訊謹屬撰稿人意見，如有紕漏，敬請包涵。
