什麼是個人信貸評級？
香港嘅環聯個人信貸評級 (TU) 分為A至J級，根據個人信貸及還款紀錄等資料經過計算所得。每當你需要貸款(不論貸款種類)，銀行或財務機構會向環聯索閱你的信貸報告，以決定是否批出你的申請，評級會影響貸款利息以至貸款成功機會。
公司貸款都需要睇TU？
MC Advisors每日都會收到好多客人查詢 🥺
『我TU好差，申唔申請到公司貸款㗎？』
『我TU唔得，應該點改善？』
其實個人信貸評級對公司貸款都有決定性嘅影響！
申請公司貸款時，除了審查公司的營運狀況，銀行亦會索取公司主要股東的個人信貸報告，審查嘅項目包括現時評級、還款記錄、負債、近期嘅查詢項目等。
作為公司老闆，如果財政狀況不良，即使公司生意做得再大，銀行亦會卻步。如果屬無抵押貸款，更加難有銀行願意借貸。如果曾經有未清還嘅欠債，銀行極可能直接拒批。
常見問題
1. 我曾經破產，係咪永遠唔可以再借貸？
即使曾經破產，解除破產令後如果能夠確切履行還款責任，個人信貸評級保持健康，申請公司貸款都可以獲批。
⚠️但如果曾經有『欠債無還』嘅記錄，就比破產更嚴重，即使10年、20年、只要TU仍然存在Bad Record，就唔會有銀行會願意再借錢畀你，直至你還清舊債。
2. 我TU A級，貸款有無著數？
當然有！
銀行對於高評級的借貸人有偏好，可以在貸款額、利息上給予較大嘅空間，貸款額可以相差超過1倍。
如果借貸人資產淨值高，例如持有物業，亦較受銀行歡迎，即使不抵押予銀行，銀行也較願意批出大額貸款。
3. 我TU明明正常，但銀行拒絕申請或者只批好少貸款？
每間銀行對商業貸款都有類近但不完全相同嘅批核標準及口味。同樣嘅條件下，到A銀行及到B銀行申請，可能會有完全唔同嘅結果。
有冇諗過，申請唔到可能係因為……
銀行唔想做你呢個行業生意
銀行覺得Revenue太少，寧願唔做
銀行跑數無佣，銀行經理唔想做
批核條件與其他銀行不同
公司生意/股東信貸有暗病
所以做生意想要銀行支援，都唔係一件易事，但如果有熟人幫忙，就可以事半功倍。
如果你無辦法掌握銀行究竟會唔會批你嘅貸款，或者想Maximize你公司的融資能力，咁不如唔好打無把握嘅仗，試下搵MC Advisors畀D意見你？
