今時今日一間公司要同銀行借貸並不是易事，舊時未有政府擔保計劃，銀行批出嘅無抵押商業貸款通常只有$100-200萬，數目唔會太大，因為一旦出現壞帳，銀行就會輸足成條數，風險其實好大。
早幾年政府推行擔保計劃，主動幫中小企孭飛，令銀行風險大幅減低，例如九成擔保計劃令銀行借$100萬出去，賺足$100萬嘅利息，而只需要承受10%風險。參與政府擔保計劃嘅銀行數量逐漸增加，唔少銀行都希望『大做』中小企貸款，積極拓展中小企市場，搶市佔率。
以申請門檻比較低嘅政府九成擔保計劃為例，計劃最長可以提供五年還款期，不過可能你未必知道，其實唔係間間銀行都會畀足五年還款期，亦唔係你想要就有，而係銀行會因應中小企嘅營運狀況、申請人年齡等眾多因素去決定還款期有幾長，最終批出嘅結果可能係1至5年。
呢種還款期嘅設定可能同一般中小企嘅壽命周期有關。
其實根據政府早幾年嘅統計數據顯示：「在二零一二年開業的微型企業中，約四分之一在開業首兩年內已停業。「退場」率在五年間持續放緩，到第五年經營時跌至約5%。與中型和大型企業相比，可見微型企業的「退場」速度較快。」
意思即係能夠營運超過5年嘅初創小企業，100間裡面只有5間可以生存落去。所以唔難理解，點解銀行只能提供咁短嘅還款期，就算政府話可以最多畀五年，都未必間間銀行可以批到咁足。
當然上述數據只能反映部份事實，因為可以過到九成擔保申請門檻嘅公司通常都已經營運一段時間，而且財政狀況都唔會太差，先至有可能拎到貸款；至於還款期，就真係好睇銀行政策，如果銀行批唔足五年畀你，都未必真係代表係你嘅問題，可能只係銀行嘅政策係咁，中小企要精準知道批核結果，就真係要搵有實力嘅顧問公司幫手喇💪🏻🙋🏻♂️
註：
以上內容由©MC Advisors原創，切勿抄襲及轉載。
🙇🏻♂️ 相關資訊謹屬個人意見，如有錯漏，敬請包涵。
