🫣間唔中都會有老闆問我哋，依家仲有冇得申請「還息不還本」？
其實早前香港按揭證劵保險公司 (HKMC) 已經公佈中小企還息不還本計劃逐漸收回 ♻️，將會喺2023年9月30日截止，但仍會有部份償款本金安排。
意思係全新百分百擔保申請不能再享受『預先批核還息不還本』嘅安排，其中『預先批核』係重要字眼🔍，即代表只要企業有需要，銀行不需批核就可以提供還息不還本嘅安排。
而無『預先批核』嘅話 (例如九成擔保，就無預先核批安排)，企業要申請還息不還本，就需要銀行再審批。
🚩上述安排詳情可以參考HKMC官方資訊：
而日前 (2023年10月25日) 政府嘅施政報告表示，申請咗政府特惠擔保貸款嘅中小企將會獲得更多還款選項，其中可能包括可以暫時償款10%, 25%, 50%貸款本金 (一切以政府公佈資訊為準)，可以幫助借咗百分百擔保嘅中小企由『只還息』逐步過渡到『還息+還本金』嘅過程。
🙏🏻當然，有關安排仍然需要等待政府同銀行商議詳細安排，一旦有最新資訊，MC Advisors亦都會盡早同各位老闆分享。
註：
以上內容由©MC Advisors原創，版權所有，切勿抄襲及轉載。
🙇🏻♂️ 相關資訊謹屬撰稿人意見，如有紕漏，敬請包涵。
