唔少老闆都同我哋反映過，呢兩年息口高唔敢借錢，就算係借都唔敢借太多。
等左兩年，美國終於減息，預計兩年內會減至大約3%利率，咁到底而家如果要同銀行貸款融資，利息係點計？利息會唔會即刻平咗？
其實喺中小企貸款層面，銀行一般以三種利率計價：
1) P rate (Prime rate, 最優惠利率)
2) H rate (Hibro rate, 銀行同業拆息)
3) Flat rate (平息)
好消息係，以最常見嘅中小企政府擔保融資計劃為例，假如銀行借出嘅貸款係用P或H計算，只要大行下調P rate利率(例如HSBC 昨天已將P rate減少0.25% 至5.625)，或H rate 下跌，貸款利息就會減少。
假設銀行貸款係用P-2.5%計算，只要P減少，需付利息就會減少。銀行亦會主動出信通知客戶利率已經變更。
不過其實好多銀行嘅中小企貸款產品(SME loan)，不論是否經由政府擔保，都會以flat rate(平息)計算。呢種利率喺簽署貸款當刻已經由雙方確定接受，之後不論外圍利率點樣增加或者減少，都唔會對貸款利息有影響。
咁問題嚟喇，如果我而家想借錢，可唔可以要求銀行以P或H計算利息？
🙅🏻♂️答案係……唔得嘅。
因為銀行政策唔會因為個別客戶而改變，所以如果你想慳利息，正確做法應該係要直接搵一啲可以俾低息或者以P/H 利率計算嘅銀行去申請貸款，咁日後進一步減息，你就可以享受到減息優惠喇。
當然，以P或H計算中小企貸款嘅銀行唔算好多，可唔可以成功喺呢D銀行手上拎到貸款亦好視乎公司本身營業情況。
想搵一間信得過嘅中小企融資顧問公司幫手？不妨同我哋了解一下！🙋🏻♂️
註：
🙇🏻♂️ 以上資訊謹屬個人意見，如有缺失，敬請多多包涵。
