相信做老闆嘅你一定非常明白，公司唔到最緊急關頭，其實都唔會輕易向銀行借錢或者搵融資顧問幫手，因為始終都要付出一筆利息同顧問費。
喺最關鍵嘅時候，你唔會希望遇到一位無經驗(但又話自己好有人脈同經驗嘅)嘅顧問，因為隨時搞完幾個月，最後得個桔。
MC Advisors今次就同大家分析一下中小企融資顧問呢個範疇，到底點樣嘅顧問適合你？
以下會由經驗、人脈、業務範疇、正當性、收費等幾方面同大家分析一下。
商業融資經驗
每一位顧問都一定會話自己有豐富經驗，我哋亦相信坊間唔少銀行出身嘅顧問都身經百戰，可以幫到手做融資。
呢方面其實可以喺同顧問對談或見面時感受得到，有豐富經驗嘅顧問一定十分熟悉唔同銀行點樣批貸款，會仔細詢問你公司嘅情況，會話你知你公司邊D地方有問題，
事實上除非公司營運得非常好，亦賺到大錢，否則中小企好多時都有唔同嘅問題影響貸款，如果顧問無指出你嘅問題，一味同你講乜都做到，咁就要小心。
2. 銀行人脈
坊間積極做中小企貸款嘅銀行大約十間，其餘嘅銀行大多集中做現有客戶，或者做物業抵押貸款。如果顧問嘅人脈夠廣，可以用嘅銀行會較多，佢就可以選擇用最高成功率嘅幾間銀行去做，即時提高成功率。
如果只有單一銀行選擇或者hard sell 一間銀行，其實等同放棄其他十幾間銀行嘅機會。
有時未必係你公司做唔到貸款，而係揀錯銀行令到貸款批唔到。
3. 業務範疇
你嘅顧問到底係咪真係專業？
佢係專注做一個範疇，定係周身刀乜都做？當然，坊間亦有成熟嘅顧問公司可以兼顧同時做中小企貸款以及其他務業，不過我哋始終相信，做一啲並非自己專長嘅事，實在好難做得好，亦會得失客人。
4. 正當性
商業貸款顧問都有正當與不正當之分。
會協助客戶砌假文件、假數去貸款嘅中介一直存在，所以呢幾年都不時有新聞提及有犯罪集團協助中小企客戶欺騙百分百擔保，最終拉人封艇。
我哋自己亦經常接到可疑電話，三唔識七但聲稱有客戶介紹俾我哋，我哋會一律拒絕，因為呢類個案必然有伏，我哋唔會貪呢D小便宜幫不法之徒圖利。
更有甚者，用可疑文件扮客戶搵我哋申請貸款，只係我哋有足夠經驗判斷真生意同假生意，唔會上當。
如果有人同你講:『只要你公司點樣轉數、入數、令到帳面數字大增，就可以借到錢。』
你就要警惕，呢個人其實係教緊你造假數去詐騙銀行。
即使佢成功幫你申請到貸款，銀行一旦發現絕對會報警，你都會被Call loan兼遭受牢獄之災。
5. 收費
過去我哋都有聽過一啲高昂收費，例如10%, 20%, 50% of 貸款額都聽過，呢類高昂收費嘅主因無非都係因為係幫你用假文件或假數去借錢，犯法㗎嘛，梗係收得貴。
另外呢類不良中介亦可能會向你收取訂金(deposit)，咁砌假數都要時間，萬一個客中途放棄，佢都仲有錢賺嘛。
遇到以上呢兩類情況，記得要小心。
------------------------------------------------
既然老闆你都睇到呢度，其實我哋都係想講，我哋公司就正正就係坊間為數不多嘅其中一間正規商業顧問公司，如果你想搵一間真係有經驗而正規嘅公司幫手，不妨搵我哋傾一傾，相信你會睇到我哋同其他顧問嘅分別。
註：
🙇🏻♂️ 以上資訊謹屬個人意見，如有缺失，敬請多多包涵。
