MC Advisors 每日都會收到好多中小企客戶查詢，而Top No.1 最多客戶想知道嘅就係：「我間公司做唔做到貸款？」
同私人貸款唔同，私人貸款只需要有穩定入息，信貸良好，銀行就好樂意借錢出去。但公司商業貸款就複雜得多，有時可能只有一個條件滿足唔到，銀行就未必會借出去。
做生意好難避免要同銀行貸款，以下都係常見嘅貸款死因，各位中小企老闆要多多注意。
貸款死因1：個人財務狀況混亂/TU花
中小企老闆做生意因為無入息或者入息不穩，平時唔易同銀行借錢，因此唔少人會選擇到財務公司貸款，以為快靚正，結果借咗幾間TU就花曬，就唔能夠再借商業貸款，因少失大。
💊應對方法：
做生意就用商業貸款，銀碼大，還款期長，同銀行建立長遠關係。
商業貸款借唔到再考慮私人貸款。
📚延伸閱讀：10個中小企老闆融資，8個都會行錯呢一步
貸款死因2：文件唔齊/唔做Audit report
唔鍾意paper work，公司文件掉埋一邊？
要用嘅時候先發現樣樣都無，動輒就要一個月甚至幾個月去等文件。
💊應對方法：
Keep好所有公司文件。文件齊備，搵銀行幫手先可以加速。
貸款死因3：中小企公司戶口唔留營運資金
有老闆鍾意將盈利轉返晒入自己私人戶口，啲錢係自己嘅當然想點用都得，不過銀行就會覺得你係抽走咗公司嘅錢，或者覺得你公司無錢，還唔起貸款，就唔會借。
💊應對方法：
有閒錢盡量留喺公司戶口，證明畀銀行睇你有實力，可以放心借。
貸款死因4：退票太多
銀行見你公司有退票會認為公司資金枯竭，唔會放貸。
💊應對方法：
保留足夠現金周轉、開期票要注意期票日期
貸款死因5：架構複雜/轉移股份
過份複雜嘅架構、股份分配、股份轉換都係貸款死因，中小企無必要將簡單複雜化。
💊應對方法：
簡化架構，無必要就唔好搞咁多layering或控股公司
貸款死因6：現金結餘不足
銀行需要計算公司還款能力，而最直接的因素就係現金儲備。
舉個例，一間年營業額一千萬嘅公司，如果戶口連六位數都無，行怕你還唔起就唔敢借畀你。
💊應對方法：
如有需要，盡量係財政狀況仍然健康嘅時候借錢。
如果等到乾晒塘先叫人揼水，銀行唔會睬你。
📚延伸閱讀：點解唔好等公司唔掂先至借錢？
當然，好多死因都唔係可以控制嘅因素，其中包括：
俾人告
夕陽行業
高風險行業
公司業務太多元化
現金收入為主嘅公司
以上都係常見貸款死因，中小企老闆記得要多加留意。
📚政府擔保貸款懶人包
註：
以上內容由©MC Advisors原創，版權所有，切勿抄襲及轉載。
🙇🏻♂️ 相關資訊謹屬撰稿人意見，如有紕漏，敬請包涵。
